1. |
Troiako Zaldia
05:09
|
|
||
Ilargi erraldoi bat, distiratsua, tristea,
ageri da pixkanaka etxe ilaren atzean.
Troiako zaldi bat da, geldiezina, narea.
Mendebaldea bere kulparen kontra.
Hondamendi naturalak eta norberarenak,
kokaina eta prozak arrastoak erreketan
aurri-zorian den mundu batek
hondoa jotzen duen lehen seinaleak.
Zaila da non eta nola hasi zen azaltzea,
denok han geldirik, istripu anitz batean.
Nor bere kotxean,
nor bere istripu personalean.
Kontainerrak eta kontinenteak sutan,
inoiz eta inon itzaltzen ez den su bat.
Ez daukaguna da min ematen diguna,
eta horretan labur liteke dena.
Euforia, kulpa eta melankoliaz
drogatutako arrain sarda
hipnotikoen koreografiak,
aurri-zorian den mundu zaharrean,
ordena disforiko berri batean.
Nor bere gerran,
nor bere istripu personalean:
minbizi bat, hipoteka, bakardadea,
edo denak batera.
Eta inoiz goiz eder bat mundu krudel batean,
hondamendi naturalak eta norberarenak.
Mendebaldearen narrazio etena, hautsia.
Ebidentzia faltsuak, egiak eta post-egia.
Euforia, kulpa eta melankolia.
Geldiezina, narea, Troiako zaldia.
|
||||
2. |
Ez Nengoen Han
04:29
|
|
||
Goiz eta berandu batera den desordu horretan,
hotz egiten du, bere hatsean bildua doa etxera bidean.
Estazio hutsean sartzean sentitu duen epelak
norbait gogorazi dio.
Ez dago zain inor nasan,
bezperako egunkari batean
etxetik kanpo lasai negar egiteko argibideak
irakurtzen hasteko astirik ez dio eman trena heltzean.
Lehenengo bagoian sartzen da
bertan dihoazen hiru nesken eran,
beldurraren mapa trazatua,
piztiek basoan egiten duten eran
gizonen beldur.
Utzi, mesedez, zure mezua
seinalea entzun ondoren
bere izen bera duen beste nonbaiten.
Nagiz berrabiarazten da
geldialdi bakoitzean trena.
Azkenengoan nabari ugaritu den
jendearen artean gazte bat.
Kaxa plastifikatu hori bat bizkarrean
duela eseri da,
betazalei eutsi ezinik.
Kaxa horiaren zentimetro karratuetan kabitzen den
garaiaren ankerkeria hasi da kalkulatzen;
baina iritsi da geltokira, eta argitzen ari duen arren,
bertako guarda juratua baino grisago eta tristeago den
zeru baten azpian egiten du auzorantz oinez,
zezelka urruntzen da trena.
Sakabanatuta atari aurrean
zabor poltsetako hondarrak.
Hiru basurde ihesi,
ama eta bi kumeak.
Bere bizitzaren sintesi bat
han bistan denen aurrean:
zerbeza latak, prediktor bat,
kafe hondarrak, yogur poteak
Etxeko atea irekitzean
bezperako bizitza zain.
Ez daki bertan kabituko
den orain.
|
||||
3. |
Tigrea
03:50
|
|
||
Leiho bat piztuta,
argi bakar bat gau ilunean.
Itzal bat barruan,
hara-hona leiho atzean.
Tigre zahar bat da,
lauoinka, motel, egonezean.
Andre batekin dago,
eskutik jaten ematen ari zaio.
Aspaldi bizi du ezkutatua zauri batean.
Maite duen arren, hil egingo du gaur gauean.
Alboan luze etzaten zaio,
tigrearen ilajea
sentitzen du azalean.
Animalia hats sakona,
bihotz astun nekatua,
indar gabea.
Lepoa inguratzen dio,
estutzen du bularrean
eta urritzen, ahitzen zaio
desagertzeraino beso artean.
|
||||
4. |
Kontinente Zaharra
02:34
|
|
||
Itsasoan mugak, patrullek zainduak,
milaka kilometro perimetratuak.
Bigilantzia kamerak, Schengen, poliziak,
aintzinako basoetan labanak eta hesiak.
Atzera eta atzora nahi duen munduan
beldurraren narrazio konpartituak.
Estutzen eta estutzen migrazio legediak,
kontinente zaharra irla blindatu bat da ia.
Hautsezinak baina hauskorrak, aldi berean,
libre sentitzen gara bizitza auto-sitiatu batean.
Demagun, hodeiertz mugarik gabe bat,
zilar koloreko arrats batean itsasoaren ertzean.
Gure intimitatearen bunkerrean.
Intimitateen bunkerrean.
Gure bunkerrean.
|
||||
5. |
Bunkerra I
03:53
|
|
||
Baina,
ez gaude erabat salbu.
Gereziondoak
leihoz bestalde
lehertzen,
aroz aro.
Egun, gorputz eta hitzen
akumulazio nahasi batean.
Sua errautsetan lo,
zu baino zaharrago.
Dena suntsituko duen
zerbaiten aurreko barealdi
faltsua.
Desioaren zahartze
programatua.
|
||||
6. |
Edertasun Arraroa
03:30
|
|
||
Egun desordenatuetan
haizeak nahasten dituen,
landare inbaditzaileek
are ilauntzen duten
paisaia zaharretan
barna
kotxe beltz bat zara.
Urrundik zatoz
denboran.
Horrela egin zenion uko
egun hartan ere,
azalpenik ia eman gabe,
eta batez ere,
eskatu gabe.
Bai, zeu ere,
akordatu zinen baleaz.
Horrela egin zenion uko
egun hartan ere.
Azalpenik ia eman gabe,
eskatu gabe.
Sortzen duzun aztarna,
karbonozkoa eta sentimentala.
Arrastoan iraungo duten
landare inbaditzaileek
are Ilauntzen duten
leku abandonatuen
edertasun arraro hori
zenuen.
|
||||
7. |
Bunkerra II
02:24
|
|
||
Gereziondoak lehertzen ziren,
leihoz bestalde.
Lore zuritan lehertzen ziren,
berunezko zeru baten
kontra.
Aroz aro.
|
||||
8. |
Inmolazioa
03:01
|
|
||
Telebista aurrean,
iluntzeko albistegia.
Besteen minen
antologia.
Sakelekoan
zarata eta mimo soziala,
etenik gabe.
Dena batera,
leku eta une bakarra.
Selfiak, amaierarik ez
duen gerra,
sumendiak,
feminizidioa,
etenik gabe.
Munduari su emateko
gogoa sartzen zaizu,
balkoira atera eta
zigarro bat pizten duzu,
distantzia estetetiko bat,
eta bertan geratu.
Lisabören "Ezarian"
jartzen duzu.
Zerua garbi dago,
eta izarrarteko
zabor espazialaren
atzean
artizarrak oraindik hor
dirauela ikustean
lasaitzen zara.
Aspaldi ulertu zenuen,
bizirik ateratzeko
aukera gutxi dago hemen.
Jakinarazpenak desgaitu eta
ohera sartzen zara,
errendituta,
hitzaren zentzurik
txarrenean.
|
||||
9. |
Vesna Vulovic
05:47
|
|
||
Tren batek
beste tren bat ezkutatu
dezakeela dio
emakume ahots batek.
Bat bakarra
balitz gaitzerdi,
erantzuten diozu zuk
inork entzun ez arren.
Bide erdian edo erdibidean,
denbora begi ertzetako
zimurretan barna.
Dekadentziaren sintoma
ugariak, ugariak eta gainera,
ageriak.
Ez, ez zara Vesna Vulovic,
baina zuk ere bildu dituzu
galantak bizi honetan.
Erori, jaiki eta aurrera segi,
estropezuak ere pausoak ziren finean.
Bigarren edo auskalogarren
aukeran bizi zarela
ondotxo dakizu.
Biziraun duzu onean,
biziraun duzu txarrean,
biziraun desastrean.
Ustekabeko bira dramatiko bat,
eta hara orain zer bihurtu zaren:
anomalia izu bat
zoriontasunaren
erradikalizazio fasean.
Ez, ez zara Vesna Vulovic,
baina zuk ere bildu dituzu
galantak bizi honetan.
Erori, jaiki eta aurrera segi,
estropezuka ere egiten da bidea.
Gauza bat esango dizut,
pixka bat behartuz gero
beti enkajatzen du puzzleak
Geihenetan ahal dena
Gutxiegitan nahi dena
orain beti zeure alde
Ez, ez zara Vesna Vulovic,
baina zuk ere bildu dituzu
galantak bizi honetan.
Erori, jaiki eta aurrera segi,
estropezuka bada ere,
honaino iritsi gara.
Ez, ez zara Vesna Vulovic,
baina zuk ere bildu dituzu
galantak bizi honetan.
Erori, jaiki eta aurrera segi,
hemendik atzera,
dena aurrera da.
|
||||
10. |
Giza Zarata
03:41
|
|
||
Entzun nezake neure bihotza taupaka.
Entzun nezake beste denena.
Entzun nezake denok han isilik ( )
egiten genuen giza zarata.
|
Streaming and Download help
If you like Anari, you may also like:
Bandcamp Daily your guide to the world of Bandcamp